मधुमल्ला, १२ फागुन । मोरङको मिक्लाजुङ ९ उर्लाबारी–मधुमल्ला सडक खण्डमा आइतबार साँझ एक महिलाको ट्याक्टरले किचेर घटनास्थलमै मृत्यु भएको छ ।
मिक्लाजुुङ–९ मधुमल्ला बजारकी ३२ वर्षीया माया तामाङको मृत्यु भएको इलाका प्रहरी कार्यालय मधुमल्लाका प्रमुख सइ टेकबहादुर श्रेष्ठले बताए । को२ त ६६५० नम्बरको ट्याक्टरले किचेको सइ श्रेष्ठले बताए ।
मृतक तामाङको शव पोष्टमार्टमका लागि मङ्गलबारे अस्पताल पठाइएको छ । ट्याक्टरका चालक फरार रहेकाले खोजी कार्य भइरहेको इप्रका मधुमल्लाले जनाएको छ । दुर्घटना स्थल प्रहरी कार्यालयको १ सय मिटरको दूरीमा पर्छ
