17/08/2074
राजधानी दैनिकले दलहरुले चुनावको आन्तरिक मूल्यांकन गरिरहेको समाचारलाई प्रमुख स्थान दिएको छ । समाचार अनुसार वाम गठबन्धनले दुई तिहाइ, लोकतान्त्रिक गठबन्धनले स्पष्ट बहुमत र मधेसवादी दलले केन्द्रमा बलियो उपस्थिति जनाउने आंकलन गरेका छन् ।
राजधानी दैनिकले तेस्रो पृष्ठमा माओवादी अध्यक्ष प्रचण्डले अब ५० वर्षसम्म कम्युनिस्टको सरकार रहने दावी गरेको समाचारलाई पनि स्थान दिएको छ ।
ललितपुर क्षेत्र नम्बर ३ को सुनाकोठीमा आयोजित चुनावीसभालाई सम्वोधन गर्दै प्रचण्डले दोस्रो चरणको निर्वाचनलगत्तै दुई तिहाइ बहमुतसहित वाम गठबन्धनको सरकार बन्ने र पाँच वर्ष जनताको पक्षमा राम्रो काम गरेसँगै ५० वर्ष कम्युनिस्टको सरकार चलाउने योजना रहेको बताए ।
