इलाम १ चैत्र : मेची नेत्रालय झापा इलाममा जारी पाँचौ अन्तरराष्ट्रिय आमन्त्रण माईभ्याली गोल्डकप फूटबल प्रतियोगिताको सेमिफाइनलमा प्रवेश गरेको छ । शुक्रबार भएको अन्तिम क्वाटरफाइनल खेलको अतिरिक्त समयमा समेत बराबरीमा खेल समाप्त भएपछि टाइबेकरका आधामा चार तीन गोल अन्तरले मेची नेत्रालयले अन्तिम चारमा आफ्नो स्थान सुरक्षित गरेको हो ।
मध्यान्तर अगाडिको खेल बराबरीमा रहेपनि मध्यान्तर पछिको १२ औ मिनेटमा आर्मीका जीतेन्द्र कार्कीले गोल गरेका थिए । खेलको लगभग अन्तिम समयमा मेची नेत्रालयका विकास राइले गोल गरि खेल बराबरीमा रोकेका थिए ।
१४ मीनेट थप भएको अतिरिक्त समयमा समेत गोल हुन नसकेपछि टाइबेकरका आधारमा मेची नेत्रालय विजयी बनेको हो ।
मेची नेत्रालय झापाका गोलकिपर दिनेश थापा मगर आजको खेलको म्यान अफ दी म्याच घोषित भए । उनले नगद १० हजार रुपैयाँ प्राप्त गरे ।
प्रतियोगिता अन्तरर्गत शनिबार पहिलो सेमिफाइनल खेल दाउफीन्स फूटबल क्लव क्यामरुन र नेपाल पुलिस क्लवबीच दिउसो तीन बजेबाट हुने भएको छ ।
