(बिहिवार )२१ मङ्सिर,२०७४
तिखार्नु पर्दैन बनका काडा
उ गर्भ बाटै तिखारिएर आउँछ
थोरै छोपी देउ मुलाको बिजलाइ
उसलाइ चाहिने खाल्डो आफै खन्दछ ।
फूलहरुमा रंग छर्नु पर्दैन
सुभाष भर्नु पर्दैन
रोप्नु पर्दैन ,मल छर्नु पर्दैन
बन भरी लटरम्म आफै फूलिदिन्छ फूल
मगमग सुभाष आफै छरिदिन्छ फूल ।
सुर्यलाइ आउ भन्नू पर्दैन, जाउ भन्नु पर्दैन
पुर्ब बाटै उदाउ ,पश्चिममा अस्ताउ भन्नू पर्दैन
आफ्नै गतिमा निरन्तर-निरन्तर
खै कहिले देखि अनवरत
उज्यालो ,अँध्यारो गराउने जिम्मा लिएर
म उठ्नु भन्दा अगाबै
मेरो घरको कौसिमा झुल्किसकेको हुन्छ ।
शिबहरी खतिवडा " अन्जान"
बु.न.पा १२ कपन, काठमाडौ
