महेन्द्र थेगिम
मिक्लाजुङ । सिर्जनशिल युवा क्लवको आयोजनामा यहि वैशाख ५ गतेदेखी मोरङको मिक्लाजुङ—६ लालमाटीमा ‘प्रथम मिक्लाजुङ गोल्डकप २०७६’ फुटवल प्रतियोगिताको तयारी तिब्र पारिएको छ । यतिबेला आयोजक संस्था खेलको प्रचारप्रसार मैदान ब्यवस्थापन,सहयोग संकलनमा जोडतोडले लागिरहेको छ । बैशाख ५ गतेदेखी सूरु हुने खेल नजिकिएसँगै स्थानीय स्तरमा उत्साह छाएको छ । दर्शकहरु खेलको ब्यग्र प्रतिक्षामा छन् ।
नयाँ बर्षको अवसर पारेर आयोजना गर्न लागिएको फुटवल प्रतियोगितामा पूर्वका ८ टिमको सहभागिता रहनेछ । जसमा बैशाख ५ गते धरान एफसी र झापा राजगण, ६ गते इटहरी तालतलैया र मोरङ एकेडेमी,७ गते लेटाङ एफसी र एफिएफ सुनसरी,८ गते आयोजक र बेलवारी फुटवल क्लव विच खेल हुने खेल संयोजक नेमप्रकाश तामाङ बिक्रमले जानकारी दिनुभयो । उहाँले खेललाई भब्य र सब्य बनाउन देशबिदेशमा रहनुहुने स्थानीय सबैमा अनुरोध गर्नुभएको छ ।
बैशाख १२ गते हुने फाइनल खेलको बिजेताले नगद १ लाख ५ हजार ५ रुपैंया ट्रफि प्रमाणपत्र मेडल प्राप्त गर्नेछन् । यस्तै,उपबिजेताले नगद ५५ हजार ५ रुपैंया सहित ट्रफि मेडल प्रमाणपत्र प्राप्त गर्ने आयोजकले जनाएको छ । खेल अनुमानित ८ लाखमा सम्पन्न हुने अध्यक्ष तामाङले बताउनुभयो ।
क्लवका सचिव रामकुमार राईले मिक्लाजुङमा खेलमय वातावरण बनाउदैं खेलको विकास र नयाँ बर्षको शुभकामना आदानप्रदान गराउने उदेश्यले फुटवल प्रतियोगिता गर्न लागिएको बताउनुभयो । उहाँको अनुसार खेलको लगभग तयारी पुरा भएको छ ।
राष्ट्रकै चर्चित खेलाडीहरुले सुसजित हुने मिक्लाजुङ गोल्डकप साविक टाँडीको गौरवको रुपमा लिइएको टाँडी युवा क्लवका अध्यक्ष महेन्द्र थेगीमले बताउनुभयो ।
