५ पुस, काठमाडौं ।
बुधबार दिउँसो टोखा नगरपालिका–१ मा गोली प्रहार गर्ने समूह पक्राउ परेको छ ।
पक्राउ पर्नेमा टोखा १ का २० वर्षीय सुनिल तामाङ, १७ वर्षीय सुसान तामाङ, १८ वर्षीय विजय तामाङ र १४ वर्षीय अंकित तामाङ छन् ।
उनीहरूकाे साथबाट घटनामा प्रयाेग भएकाे एक थान घरेलु भरूवा बन्दुक समेत बरामद भएकाे छ ।
यसअघि काठमाडौंको टोखास्थिच झोरको जंगलमा गोली चल्दा एक जना महिला घाइते भएकी छिन् । उनको काठमाडौंको ग्राण्डी अस्पतालमा उपचार भइरहेको छ ।
याे पनि पढ्नुस्
काठमाडौंको टोखास्थित झोरको जंगलमा बुधबार दिउँसो गोली चलेको छ । गोली लागेर एक जना महिला घाइते भएकी छिन् ।
घाइते हुनेमा स्थानीय ३५ वर्षीया दुर्गा दुलाल छिन् । नेपाल प्रहरीका एसपी रामदत्त जोशीले अनलाइनखबरलार्इ दिएकाे जानकारी अनुसार उनी घाँस काट्न गएको वेला गोली लागेको थियाे ।
स्थानीय युवकहरुले शिकार गर्ने क्रममा गोली चलाएको हुन सक्ने प्रहरीको प्रारम्भीक अनुमान छ । थप अनुसन्धान भइरहेको छ ।
महिला खतरामुक्त
प्रहरीका अनुसार दुलालको कुममा गोली लागेको छ । उनको काठमाडौंको ग्राण्डी अस्पतालमा उपचार भइरहेको छ ।
उपचारमा संलग्न चिकित्सकहरूले उनी अहिले खतरामुक्त रहेकाे बताएका छन् ।
