देबु बानियाँ
बाहुण्डाँगी । नेपालको लामो इतिहास बोकेको शाखा पोखरा जेसीजलाई मे महिनाको जेसीज अफ द मन्थको अवार्ड प्रदान गरिएको छ ।
नेपाल जेसीजले बुधवार सार्वजनिक गरेको मे महिनको जेसीज अफ द मन्थको अवार्ड अन्तर्गत एरिया बि बाट उत्कृष्ट शाखाका रुपमा पोखरा जेसीजले प्राप्त गरेको हो ।
व्यक्तित्व र नेत्तृव विकाससँगै सामाजिक क्षेत्रमा क्रियाशील यो शाखा यस क्षेत्रबाट कार्य सम्पादनको आधारमा उत्कृष्ट शाखा बन्न सफल भएको हो ।
नेपाल जेसीजका राष्ट्रिय अध्यक्ष सिनेटर महेश पौडेलले यस पोखरा जेसीजलाई मे महिनाको अवार्ड प्रदान गरिएको बताउनु भयो ।
अवार्ड प्राप्त गरेपछि पोखरा जेसीजका अध्यक्ष धनबहादुर शाही (सन्तोष) ले आउँदा दिनहरुमा जेसीज अभियानमा काम गर्न अझ प्रेरणा मिलेको बताउनु भयो । उहाँले यो अवसार प्रदान गर्नु हुने नेपाल जेसीजका राष्ट्रिय अध्यक्ष सिनेटर महेश पौडेल निरुपित कार्यकारीणी उपाध्यक्ष रमेश चन्द्र भुषाल, निरुपित उपाध्यक्ष गोकुल सापकोटालगायत सबै पदाधिकारीहरुलाई धन्यवाद व्यक्त गर्नु भयो । साथै अध्यक्ष शाहीले बोर्डका पदाधिकारी र शाखाका पूर्व अध्यक्षहरुप्रति पनि आभार व्यक्त गर्नु भयो ।
