देबु बानियाँ
बाहुण्डाँगी । नेपाल जेसीजले क्षेत्र ‘घ’ का लागि मे महिनाको उत्कृष्ट शाखा रुपमा बुटवल जेसीजलाई छनोट गरेको छ ।
बुधवार सार्वजनिक गरेको जेसीज अफ द मन्थको अवार्ड अन्तर्गत बुटवलले क्षेत्र ‘घ’ को अवार्ड प्राप्त गर्न सफल भएको हो । नेपाल जेसीजका राष्ट्रिय अध्यक्ष सिनेटर महेश पौडेलले कार्य सम्पादनका आधारमा बुटवललाई उत्कृष्ट शाखाका रुपमा अवार्ड प्रदान गरिएको बताउनु भयो ।
अवार्ड प्राप्त गरेपछि बुटवल जेसीजका अध्यक्ष नरदेव न्यौपानेले आगामी दिनमा जेसीज अभियानमा थप उत्साहित बनाएको बताउनु भयो । उहाँले यो अवार्ड प्राप्त गर्नका लागि सहयोग गर्ने सबै क्षेत्रका व्यक्तिहरुलाई धन्यवाद व्यक्त गर्नु भयो ।
