मोरङ ।
क्रिसमसको अवसरमा मोरङको पथरीशनिश्चरे नगरपालिका—१ स्थित पथरीमा हिमालयन सांगीतिक कार्यक्रम हुने भएको छ । पूर्बी मोरङ इसाई समाजको आयोजनामा पुष १३ (२८ डिसेम्बर)मा पथरीको रत्नचौकमा सांगीतिक कार्यक्रम हुनेभएको हो ।
आयोज इसाई समाजले सुक्रबार(आज) पत्रकार भेटघाटको आयोजना गरी सो सम्बन्धि जानकारी गराएको हो । इसाई धर्मालम्बिहरुको चाड पुष १० (डिसेम्बर २५) गते पर्छ । सोही अवसरमा पथरीको रत्नचौकमा सांगीगिक कार्यक्रम हुनलागेको कार्यक्रम संयोजक बिक्रम राईले जानकारी दिए । कार्यक्रममा भारतको दार्जेलिङ्गबाट कलाकार र प्रवचनको लागि पाष्टरहरु आउने आयोजक समितिले जानकारी दिए । कार्यक्रम संयोजक बिक्रम राई आफैपनि इसाई समाजमा स्थापित गायक हुन् । सांगीतिक कार्यक्रममा दार्जेलिङका कलाकारहरु, गायक बिक्रम राई र स्थानीय बिभिन्न चर्चबाट आउने कलाकर्मीहरुबाट गीत, नृत्य प्रस्तुतहुने भएको हो ।
