असार ७ , पथरी ।
मोरङको पथरी शनिश्चरे साझेदारी वन व्यावस्थापन समुहले पूर्वी मोरङका ३२
जना सामुदायिक विध्यालयका विद्यार्थीलाई साईकल वितरण गरेको छ ।
गरिव तथा जेहेनदार विद्यार्थीहरुको शैक्षिक विकासका लागी टेवा पु¥याउने उद्ेश्य साथै आफ्नो सामुदायिक उत्तरदायित्व पुरा गर्दै सो वनले साईकल वितरण गरेको वनका कर्मचारी निरज पोख्रलले जानकारी दिए ।
साझेदारी वन व्यवस्थापन समूहले विपन्न जेहेन्दार विद्यार्थीहरुलाई साइकल वितरण गर्नु समुदाय प्रतिको आफ्नो कर्तव्य पुरा गरेको वितरण कार्यक्रमका प्रमुख अथिति मोरङ क्षेत्र नं. १ का प्रदेश सांसद कुदप्रसाद साम्वा लिम्वु ू(कुशल) ले वताए ।
साथै उनले वनले साइकल वितरण गरेर उदाहरणीय कार्यको सुरुवात गरेको भन्दै आगामी बर्षमा अझै यस्ता सामाजिक उत्तरदायित्वका कार्यक्रमहरु प्राथमिकतासाथ अघि बढाउन अनुरोध समेत गरेका छन् ।
कार्यक्रममा उर्लाबारी नगरपालिका वडा नं. ३ का वडाध्यक्ष गञ्जबहादुर कार्की, नेकपाका स्थानीय नेता गगा वास्तोलालगायतले बोलेका थिए । कार्यक्रममा बोल्दै विद्यार्थी योगेन्द्र न्यौपानेले विद्यालय जान साइकल सहयोगी बन्ने बताए ।
साइकल पाएपछि दंग हुँदै उनले भने–‘टाढाबाट हिँडेर विद्यालय जानु पर्ने बाध्यता हटेको छ ।’
कार्यक्रमको सञ्चालन समूहका सदस्य प्रमोद निरौलाले गरेका थिए भने समूहका अध्यक्ष प्रकाश पौडेलको सभापतित्वमा भएको थियो ।
कार्यक्रम शुक्रबार मोरङको उर्लाबारी–३ स्थित सव वन डिभिजन कार्यालयमा सम्पन्न भएको हो ।
