असार ९, पथरी ।
मोरङको उर्लावारी नगरपालिका वडा नम्वर २ ले शारीरिक रुपमा अशक्त भएका ४ जनालाई सहयोग सामाग्री वितरण गरेको छ ।
शनिबार उर्लाबारी वडा नं. २ का चार जनालाई ह्वील चियर र एक जनालाई श्रवणयन्त्र वितरण गरिएको हो ।
वडाध्यक्ष राजन कँडेलको प्रमुख आतिथ्यतामा भएको उक्त कार्यक्रममा अपाङ्गता भएका ब्यक्तिहरुलाई राज्यले हेर्ने दृष्टिकोण फरक रहेको गुनासो समेत उनले गरे ।
अपाङ्ग भएका ब्यक्तिसमेत रहेका वडाध्यक्ष कँडेलले अपाङ्गता भएका ब्यक्तिहरुको भवन निर्माणका लागि जग्गा खोजी कार्य भइरहेको बताए ।
उनले आपाङ्गता भएका ब्यक्तिहरुको हकहितका लागि आफूले सक्दो सहयोग गर्ने बचन दिए ।
उर्लाबारी वडा नं. २ को कार्यालयबाट अपाङ्गता भएका ब्यक्तिहरुले सहज रुपमा सेवा पाउँदै आएको अपाङ्गता भएका ब्यक्तिहरुको समूह वडा नं. २ का अध्यक्ष झलक बुढाथोकीले बताए ।
उनका अनुसार वडा नं. २ का ३ सय ५० जना अपाङ्गता भएका ब्यक्तिहरु रहेका छन् ।
