देबु बानियाँ
बाहुण्डाँगी । तनहुँ जिल्लाको दमौलीलाई कार्य क्षेत्र बनाएर सामाजिक क्षेत्रमा काम गर्दै आएको व्यासनगर जेसीजले ‘जुन’ महिनाको जेसीज अफ द मन्थको अवार्ड पाउनु सफल भएको छ ।
नेपाल जेसीजले मंगलवार सार्वजनिक गरेको जेसीज मन्थको अवार्ड अन्तर्गत एरिया बि बाट व्यासनगरले उत्कृष्ट अवार्ड पाउन सफल भएको हो । व्यासनगरले हालै सम्पन्न गरेको सातौँ संस्करणको ‘तनहुँ साइनिङ स्टार’ उत्कृष्ट कार्यक्रम रहेको थियो । जुन कार्यक्रमले तनहुँ जिल्लाका धेरै बालबालिकाहरुको प्रतिभा प्रस्फुटन गर्नमा अहम भूमिका खेलको थियो र समाजमा पनि निकै महत्वपूण प्रभाव पार्न सफल भएको छ ।
नेपाल जेसीजका निरुपित राष्ट्रिय कार्यकारीणी उपाध्यक्ष रमेशचन्द्र भुषाल र राष्ट्रिय निरुपित उपाध्यक्ष गोकुल सापकोटको रिपोटिङका आधारमा राष्ट्रिय अध्यक्ष सिनेटर महेश पौडेलले व्यासनगरलाई यो महिनाको अवार्ड प्रदान गर्नु भएको हो । शाखाका अध्यक्ष रमेश गिरीले नेपाल जेसीजले उत्कृष्ट छनोट गर्दै दिएको अवार्डले थप हौषलाका साथ आगामी दिनमा काम गर्न उत्साहित बनाएको बताउनु भयो । साथै उहाँले शाखाका बोर्ड सार्थहरु र पूर्व अध्यक्ष सबैलाई धन्यवाद व्यक्त गर्नु भयो ।
