देबु बानियाँ
बाहुण्डाँगी । पाटन लेडीज जेसीजलाई जेसीज अफ द मन्थको अवार्ड प्रदान गरिएको छ । नेपाल जेसीजले मंगलवार सार्वजनिक गरेको जुन महिनाको जेसीज अफ द मन्थको अवार्ड अन्तर्गत एरिया ‘सि’ बाट पाटनले यो अवार्ड पाउन सफल भएको हो ।
नेपाल जेसीजका निरुपित कार्यकारीणी उपाध्यक्ष अमिश ढकाल र निरुपित उपाध्यक्ष हरि शर्माको रिपोटिङका आधारमा नेपाल जेसीजका राष्ट्रिय अध्यक्ष सिनेटर महेश पौडेलले पाटन लेडीलाई यो अवार्ड प्रदान गर्नु भएको हो । पाटन लेडी जेसीज वर्ष २०१९ की अध्यक्ष भावना ठकुरी विष्टले नेपाल जेसीजको मुल्याङकनमा उत्कृष्ट शाखा हुँदै प्राप्त गरको जेसीज अफ द मन्थको अवार्डले थप हौषला मिलेको बताउनु भयो । रातोकलम अनलाइनसँगको कुराकानीमा अध्यक्ष ठकुरीले आगामी दिनमा समेत व्यक्तित्व र नेतृत्व विकाससँगै सामाजिक क्षेत्रमा निरन्तर काम गर्ने बताउनु भयो ।
