मेचीनगर । मेची नेत्रालय काँकरभिट्टा फुटबल ट्रेनिङ सेन्टर मेचीनगर ५ मा जारी फुटबल प्रतियोगिताको सेमीफाइनलमा प्रवेश गरेको छ ।
क्षितिज युवा क्लब मेचीनगर ५ को आयोजनामा जारी अन्तर क्लब प्रतियोगिता अन्तर्गत बधवार सम्पन्न अन्तिम क्वाटरफाइनल खेलमा बाहुण्डाँगी फुटबल क्लबलाई टाइब्रेकरमा ४–३ गोल अन्तरले हराउँदै सेमीफाइनलको यात्रा तय गरेको हो । निर्धारितसमयमा २÷२ को बराबरी भएपछि निर्णयका लागि टाइब्रेकरमा लगिएको थियो । टाइब्रेकरमा काँकरभिट्टाले जित निकालेको हो ।
बिहिवार हुने पहिलो सेमीफाइनल खेलमा आयोजक क्षितिज युवा क्लब र गाडागल्ली फुटबल क्लबबिच हुने आयोजक समितिका उपाध्यक्ष कृष्ण तामाङले बताउनु भयो ।
२३ गते हुने फाइनल खेलमा विजेता टिमले नगद ३० हजार र उपविजेता टिमले नगद २० हजार पाउने कोषाध्यक्ष विकास लिम्बूले बताउनु भयो ।
