बाहुण्डाँगी । गौराहद जेसीजको ७ औँ वार्षिक उत्सव बुधवार मनाइएको छ । बार्षिकोत्सवको अवसर पारेर स्थानीय महिलाहरुका लागि नेतृत्व बिकास तालिम सम्पन्न भएको छ ।
शाखाका वर्ष २०१९ का अध्यक्ष माधव कोईरालाको सभापतित्व तथा गौरादह नगरपालिकाकी उपमेयर गिता भेट्बालको प्रमुख आतिथ्यतामा सम्पन्न कार्यक्रममा गौरादह महिला सन्जाल अध्यक्ष लिला कट्ट्ेलको विषेश आतिथ्यता रहेको थियो । तालिमको सहजीकरण नेपाल जेसीजकी ट्रेनर मन्जरी घिमिरेले गर्नु भएको थियो । गौरादह न पा वार्ड न १ को सभा हलमा भएको तालिममा महिला संजाल तथा विभिन्न महिला समूह बाट ८५ जना महिला हरुको उपस्थिति रहेको थियो । कार्यक्रम सम्योजक बिनोद चुडाल बाट स्वगत मन्तव्य भएको कार्यक्रमको सञ्चालन महासचिव बिनिता कटबालले गर्नु भएको थियो । 
