बाहुण्डाँगी । नेपाल सरकारले सन २०२० लाई पर्यटन वर्षको रुपमा मनाउँदै गर्दा त्यस अभियानलाई सफल पार्ने उदेश्यका साथ धुलावारी जेसीजले १ नम्बर प्रदेशमा नै पहिलो पटक बोट रेस प्रतियोगिता आयोजना गर्दैछ । साउन १८ गते शनिबारका दिन मेचीनगर ११ स्थित कालिका सिमसार क्षेत्रमा बोट रेस प्रतियोगिता आयोजना गरिएको धुलाबारी जेसीजका अध्यक्ष केशब पोखरेलले जानकारी दिनु भयो ।
प्रयोगिताका बारेमा जानकारीका लागि बिहिवार आयोजित पत्रकार सम्मेलन धुलाबारी जेसीजका अध्यक्ष पोखरेलले झापाका १४ वटा जेसीज शाखाको सहभागिमा बोट रेस प्रतियोगिता आयोजना हुने बताउनु भयो । मेचीनगर क्षेत्रका पर्यटकीय गन्तब्यहरुको प्रचार प्रसारका लागि यो बोट रेस प्रतियोगिता आयोजना गरिएको हो ।
प्रतियोगिताका लागि प्रत्येक जेसिज शाखाबाट ४ जनाले बोट चलाउने छन र समान दुरी पुरा गर्न उनीहरुले खर्चेको समयका आधारमा बिजेता छनौट गरिने पत्रकार सम्मेलनमा कार्यक्रम संयोजक राजिब प्रसाईले बताउनु भयो ।
प्रतियोगिताका पहिलो, दोस्रो, तेस्रो र चौथोलाई पुरस्कार र प्रमाण पत्र बितरण गरिने छ । पत्रकार सम्मेलनमा शाखाका कोषाध्यक्ष सागर खनाल र वर्ष २०१८ का महासचिव रोशन रिजालको समेत सहभागिता रहेको थियो ।
