बाहुण्डाँगी । माडी जेसीजले आफ्ना शाखाका पदाधीकारीहरुका लागि उत्प्रेरणा सम्बन्धि तालिमको आयोजना गरेको छ । शनिवार माडी नगरपालिकामा आयोजित सदस्य उत्प्रेरणा तालिम सम्पन्न भएको हो । शाखाका २५ जना सदस्य तथा पदाधीकारी सहभागि तालिमको सहजीकरण सौराह जेसीजका अध्यक्ष शिवप्रसाद भूषालले गर्नु भएको थियो ।
शाखाका अध्यक्ष रुद्रप्रसाद सापकोटाको सभापतित्व तथा माडी नगरपालिका वडा नम्बर ३ का वडा अध्यक्ष पुरन महतोको प्रमुख आतिथ्यतामा सम्पन्न कार्यक्रममा प्रमुख अतिथि महतो र प्रमुख प्रशिक्षक शिवप्रसाद भुषालले बोल्नु भएको थियो । कार्यक्रममा रेडक्रस उपशाखा माडीका सभापति भगिरथ बस्यालको समेत उपस्थिति रहेको थियो । उपाध्यक्ष अमृत आचार्यको संयोजनमा सम्पन्न तालिमको सञ्चालन महासचिव कृष्णहरी अधिकारीले गर्नु भएको थियो ।
