उर्लाबारी, १२ पुस । मोरङको मिक्लाजुङ, मधुमल्लामा एक महिने रमाइलो रिमझिम महोत्सव—२०७४ लाग्ने भएको छ । श्री सामुदायिक ग्रामीण अपाङ्ग उत्थान संघको आयोजनामा आगामी पुस १५ देखि एक महिनासम्म महोत्सव लाग्ने सो समितिले जानकारी गराएको हो । श्री सामुदायिक ग्रामीण अपाङ्ग उत्थान संघकी अध्यक्ष लक्ष्मी श्रेष्ठले महोत्सवबाट उठेको रकमले अधुरो रहेको भवन निर्माणको काम पूरा गर्ने बताइन् । महोत्सवभर चर्चित कलाकारहरुको प्रस्तुति रहने, विभिन्न खेलकुदका तमसाहरु प्रस्तुत गरिनूका साथै विभिन्न जातजातिका झाँकीहरु पनि राखिने आयोजकले जानकारी गराएको छ ।
