बाहुण्डाँगी । यहि भदौ २० र २१ गते नेपाल जेसीजको आयोजनामा हुने एरिया ए को क्षेत्रीय सम्मेलनका लागि शाखाहरुमा निम्तो बाड्ने कार्य सम्पन्न भएको छ ।
भद्रपुर जेसीजको आतिथ्यतामा हुने सम्मेलनका लागि सहभागिताको निमन्त्रणसहित एरिया ए का सबै शाखाहरुमा निमन्त्रणा गर्ने कार्य सम्पन्न भएका हो ।
एरिया ए मा ३९ वटा शाखा रहेका छन् । जस मध्ये ३८ वटै शाखामा आतिथ्यता शाखा भद्रपुरको टोलीले निमन्त्रणा गरिसकेको शाखाका अध्यक्ष अनुज खतिवडाले बताउनु भयो । सम्मेलनलाई उत्कृष्ट रुपमा सफल बनाउन आतिथ्यता शाखा भद्रपुर जेसीज निरन्तर लागि परेको छ । सम्मेलनको करिब अनित्म तयारी भइसकेको सम्मेलन निर्देशक तथा शाखाका पूर्व अध्यक्ष बसन्त पोखरेलले बताउनु भयो । यो सम्मेलन एरिया ए का सबै शाखाहरुको भएकाले यसलाई सफल बनाउनकालागि सम्मेलनमा धेरै भनदा धेरै सहभागि भएर सफल बनाउन आतिथ्यता शाखाले अनुरोध गरेको छ । सम्मेलनमा सहभागि हुन नेपाल जेसीजका पदाधिकारीसहित विभिन्न जिल्लाका करिब ७ सयको सहभागिता रहनेछ ।
यसैगरी सम्मेलनका लागि रजिस्ट्रेशनको कार्य पनि धमाधम भइरहेको सम्मेलन सचिव सोम ढुङ्गेलले बताउनु भयो ।
