भद्रपुर । भद्रपुर जेसीजको आतिथ्यतामा यहि भदौ २० र २१ गते हुने नेपाल जेसीजको क्षेत्र ‘क’ को क्षेत्रीय सम्मेलनको सबै तयारी पुरा भएको छ ।
नेपाल जेसीजको आयोजनामा हुने दुई दिने सम्मेलनको तयारी पुरा भएको सम्मेलन निर्देशक बसन्त पोखरेलले बताउनु भयो ।
भद्रपुरको होटल सिटी गार्डेनमा हुने सम्मेलनमा क्षेत्र ‘क’ का करिब ७ सय जेसीजकर्मीहरुको सहभागिता रहनेछ ।
नेपाल जेसीजको राष्ट्रिय महाधिवेशनको पूर्व तयारीका लागि हुने सम्मेलनमा करिब ४२ लाख खर्च हुने शाखाका अध्यक्ष अनुज खतिवडाले बताउनु भयो ।
सम्मेलनमा नेपाल जेसीजका राष्ट्रिय अध्यक्षसहित सबै पदाधिकारीहरुको सहभागिता रहनेछ ।
सम्मेलनको उद्घाटन बिहान ११ बजे हुने बताइएको छ ।
