बाहुण्डाँगी । बुधवारे जेसीजको यस वर्षको जेसीज सप्ताह सोमवारबाट सुरु भएको छ । सप्ताहको उद्घाटन समारोहमा शााले बुद्धशान्ति गाउँपालिकाकै जेष्ठ नागरिकलाई सम्मान गरेको छ । शाखाले १ सय ६ वर्षिय जेष्ठ नागरिक हरिप्रसाद वाग्लेलाई सम्मान गरेको हो । शाखाले जेष्ठ नागरिक वाग्लेलाई उहाँकै घर बुद्धशान्तिमा गएर सम्मान गरेको थियो । सम्मान गर्नका लागि शाखाका अध्यक्ष हेमन्त बराल, निवर्तमान अध्यक्ष प्रकाश भण्डारी, पूर्व अध्यक्ष सेमन्त पोखरेल तथा शाखाका पदाधिकारीहरुको टोली वाग्लेको निवासमा पुगेको थियो । बुधवारे जेसीजका महासचिव मुकेश भट्टराईले स्वागत गर्नु भएको थियो । शाखाले यो साताभरी जेसीज सप्ताहको आयोजना गर्नेछ ।
