बाहुण्डाँगी । नेपाल जेसीजको आयोजनामा हुन लागेको तेस्रो जेसीआई नेपाल एकाडेमी असोज २९ गतेबाट हुने भएको छ ।
इमाडोल जेसीजको आतिथ्यतामा हुने एकाडेमी ४ दिनसम्म सञ्चालन हुनेछ ।
अन्तराष्ट्रिय स्तर अनुसार सञ्चालन हुन लागेको एकाडेमीमा विभिन्न देशमा तथा भारतको नालान्दामा प्रशिक्षण प्रदान गरिसकेका अन्तराष्ट्रिय प्रशिक्षकहरुद्धारा प्रशिक्षण गराइने एरिया सि का निरुपित कार्यकारीणी उपाध्यक्ष अमिश ढकालले बताउनु भयो । निरुपित ढकालका अनुसार यो एकाडेमी अहिलेसम्मकै उत्कृष्ट हुने हुनले सहभागिता जनाउनका लागि आग्रह गर्नु भयो ।
एकाडेमीमा सहभागि हुनका लागि असोज १३ गतेसम्म नेपाल जेसीजमा रजिष्ट्रेशन गरिसक्नु पर्नेछ । जसमा शाखाको सिफारिस निवेदन र रजिष्ट्रेशन शुल्क निवेदन समावेश गरिनु पर्नेछ ।
जम्मा ८० जनाको मात्र कोटा रहेकाले पहिले रजिष्ट्रेशन गर्नेले प्राथमिकता पाउने आतिथ्यता शाखा इमाडोलकी अध्यक्ष सावित्री ढुङ्गानाले बताउनु भयो । अध्यक्ष ढुङ्गानाका अनुसार कार्यक्रम धुलीखेलस्थित धुलिखेल लज रिसार्टमा हुनेछ । एकाडेमीमा सहभागि हुनका लागि जेसीहरुका लागि रजिष्ट्रेशन शुल्क १६ हजार ९ सय र अन्यका लागि २२ हजार ५ सय रहेको छ ।
यसका लागि नेपाल जेसीजले सबै शाखाहरुलाई पत्राचार गरिसकेको छ । 
