उर्लाबारी । योसेक क्लब उर्लाबारी–३ ले मंगलबार मंगलबारे चोक क्षेत्रमा सरसफाई कार्यक्रमको गरेको छ ।
नगरलाई स्वच्छ र सफा राखौं भन्ने अभिप्रायको साथ सरसफाई कार्यक्रम गरिएको क्लबका अध्यक्ष भीष्म बुढाथोकीले जानकारी दिए । सरसफाई कार्यक्रममा स्थानिय जनप्रतिनिधी, विद्यालयका विद्यार्थी, युवाहरू, ट्राफिक, प्रहरी, पत्रकारलगायतको उपस्थिति रहेको थियो । जथाभावी फोहोर नफ्याक्न समेत स्थानीयबासीलाई अनुरोध गरिएको सरसफाई अभियान्ता नवराज खत्रीले बताए । सोही अवसरमा मंगलबारे चोकमा यात्रुबाहक बसलाई अनिवार्य बस स्टेण्डमा रोक्न सचेत गराईएको योसेकका संस्थापक अध्यक्ष जितेन चोङबाङले जानकारी दिए ।
