एक महिलाले आफ्नो परिचय दिदै आफू बालिका हुँदाको समयमा पिताबाट तीन पटक बलात्कार भएको सार्वजनिक गरेकी छन् । आमा पोइल गएपछि सँगै गएकी बालिकालाई उनका नयाँ बाबुले तीन पटक बलात्कार गरेको रहस्य सार्वजनिक भएको छ ।
आमाले घटनाका बारेमा जानकारी प्राप्त हुँदा पनि बलात्कार गरेको हेरेर बस्ने गरेको पनि ती महिलाले बताएकी छन् । यो घटना इंग्ल्याण्डको मिल्टनकिनसको हो । बालिका जम्मा नौ वर्षको हुँदा ४४ वर्षीय बाबु एनोकी एण्डूबाट बलात्कार भएकी थिइन् । अदालतले एण्डूलाई अहिले २० वर्षको जेल सजाय तोकेको छ ।
डेलीमेलकाअनुसार रचेल ग्रे नामकी बालिका अहिले २८ वर्षीया महिला भएकी छन् । सात वर्षसम्म बाबुको बलात्कारबाट उनी तीन पटक गर्भवती भएको डेली मेलले जनाएको छ ।
रचेलकी आमालाई पनि अदालतले पाँच वर्षको जेल सजाय तोकेको छ । उनलाई बालबालिकालाई हिंसा हुँदा नबोलेर साथ दिएको आरोप लागेको छ । दुवै जना जेलमा पुगेपछि अब आफू सुरक्षित रहेको रचेलले बताएकी छन् ।एजेन्सी
