मोरङ मिक्लाजुङ मधुमल्ला कि सायना सुब्बा काठमाडौंमा रहेर मोडलिङ क्षेत्रमा जम्ने सुरमा छिन् । फिल्म खेल्ने समेत इच्छा जगाएकी सायानाले कुराकानीको क्रममा अभिनय क्लास लिईरहेको बताईन् । ‘अभिनय अझै राम्रोसँग सिकेर जानेर मात्र फिल्म लाईनमा हात हाल्ने सोचमा छु,सायानाले भनिन् । कलाकारिता क्षेत्रमै केहि गर्ने सोच बनाएकी सायनासँग रातोकमलम डटकमले गरेको कुराकानी
- मोडलिङ क्षेत्रमा कसरी प्रवेश गर्नुभयो ?
म सानैदेखी मोडलिङ र कला क्षेत्रलाई मन पराउने र माया गर्ने मान्छे भएकोले पनि यस क्षेत्रमा आकर्षित भए । पछि
मिस नेन्सनल ब्युटि प्रजेन्टमा भाग लिएपछि म मा मोडलिङ प्रति झुकाप बढेको हो । अस्मित लिम्बु दाईको फुल्न नपाई झर्यो माया बोलको गीतमा पनि अभिनय गरेर यस क्षेत्रमा डेब्यु गरेको हु । यो भन्दा अगाडि बालकलाकारको भुमिकामा पनि अभिनय गरिसकेको थिए ।
- पहिलो चोटी क्यामेराको फेस गर्दा कस्तो अनुभव रह्यो ?
सुरुमा त क्यामेराको फेस गर्ने होला भन डर र लाज लाग्यो । तर क्यामेरा फेस गरिसकेपछि डर लाज भन्दा पनि कसरी राम्रो अभिनय गरौं भन्ने लाग्यो । गर्दै जाँदा एकदमै रमाईलो लाग्यो ।
- मोडलिङलाई रहरको रुपमा लिनु भएको छ कि करियर ?
मोडलिङ मेरो रहर भएपनि यसलाई करियरको रुपमा अगाडी बढाउने सोचमा छु ।
- यो क्षेत्रमा पारिवारिक सर्पोट कत्तिको छ ?
कुनै पनि क्षेत्रमा अगाडी बढ्नको लागि साथ सहयोग र हौषलाको खाँचो हुन्छ । यहि क्षेत्रमा केहि गर्नका लागि मलाई सर्पोट गर्ने थुप्रै शुभेच्छुकहरु हुनुहुन्छ । उहाँहरु बिना अघि बढ्न सम्भव रहदैन् । र परिवारको कुरो आयो, मलाई घरपरिवारबाट एकदमै ठुलो सर्पोट रहेको छ ।
- मोडलिङ क्षेत्रमा लागेर बाँच्न गाह्रो हुन्छ भन्छन् नि ?
मोडलिङमा मात्र होईन,हरेक पेशामा आफ्ना आफ्नै समस्या हुन्छन् । यद्यपि,आफुले अंगालेको पेशालाई मेहेनत इमान्दारिताका साथ निरन्तरता दियो भने बाँच्न सकिन्छ जस्तो लाग्छ । यसै क्षेत्रमा उत्कृष्ठ बन्ने प्रयासका साथ अघि बढिरहेको छु ।
- मोडलिङमा लाग्ने युवतीहरु असुरक्षित हुन्छन भनिन्छ नि ?
सुरक्षित असुरक्षित भन्ने कुरा आफुमा भर पर्ने कुरा हो । यो क्षेत्र आफुमा भएको कला प्रतिभा प्रस्फुटन गर्ने भएकोले पनि मलाई त्यस्तो लाग्दैन् । मैले अहिले सम्म असुरक्षित महसुष गर्या छैन् ।
- मोडलिङ बाहेक अन्य के मा रुचि छ ?
मलाई अध्ययन गर्न एकदमै मन पर्छ । मोडलिङ बाहेक मलाई फेसन डिजाईन र सञ्चारमाध्यममा रुचि छ । आवाज बिहिनहरुको आवाज बन्नेछु ।
- हालसम्म कतिवटा म्यूजिक भिडियोमा अभिनय गर्नुभएको छ ?
थुप्रै म्यूजिक भिडियोमा अभिनय गरेको छु । कति युट्युवमा छन् कति सार्वजनिक हुने तयारीमा छ । हाल समयको माग टेलिफिल्ममा सुटिङ सकेर पढाईलाई अगाडी बढाउदैछु ।
- म्यूजिक भिडियोमा कत्तिको अवसर आईरहेको छ ?
थुप्रै म्युजिक भिडियोमा खेल्ने अबसरहरु आईरहेको छ । कुनैमा खेल्ने तयारीमा छु,कतिमा ब्यस्तताको कारण समय दिन पाएको छैन् ।
- फिल्म खेल्ने सोच छ कि छैन ?
छ नि एकदमै छ , मेरो रुचि नै अभिनय भएको कारणले गर्दा फिल्म खेल्ने पनि मन छ । जसको लागि अभिनयको क्लास पनि लिईरहेको छु । सुहाउदो क्यारेक्टरमा प्रस्ताप आयो भने फिल्ममा पर्दापण गर्नेछु ।
