एजेन्सी । रियल मड्रिडका स्टार खेलाडी क्रिष्टियानो रोनाल्डोले आफ्नो पारिश्रीमक नबढेको भन्दै क्लब छोड्न तयार भएका छन् । बार्सिलोनाका लियोनल मेस्सी तथा पिएसजीका नेइमार भन्दा कम पारिश्रमिकमा रियल मड्रिडका स्ट्राइकर क्रिष्टियानो रोनाल्डो पछिल्लो समय केही तनामा पनि देखिएका छन् ।
यसैबिच रियल मड्रिडले अर्का स्टार नेइमारलाई क्लबमा भित्र्याउन खोज्दा पनि रोनाल्डो तनाबमा देखिएको अन्तराष्ट्रिय मिडियाले उल्लेख गरेका छन्। रोनाल्डो एक सय मिलियन युरो पाए अन्य क्लबमा जान तयार रहेको बेलायती पत्रिका डेलीरेकर्डले जनाएको छ। अन्तराष्ट्रिय समाचार स्रोतका अनुसार रोनाल्डो प्रिमियर लिग क्लब म्यानचेस्टर युनाइटेड तथा फ्रेन्च लिग वान क्लब पेरिस सेन्ट–जर्मेन मध्ये एकमा जान सक्ने संकेत देखिएको छ।
