असोज ११, पथरी ।
मोरङ्गको पथरी शनिश्चरे ५ हसन्दहमा जारी हसन्दह ढल्के जोवन फुटबल प्रतियोगिताको शुक्रवार भएको उद्घाटन खेलमा वडा नं. ६ बिजयी बनेकोे छ ।
वडा नं. ६ का खेलाडी डिक बहादुर मगरको ह्याट्रिकसंगै वडा नं. ६ अघिल्लो चरण प्रवेश गरेको होे ।
शुक्रवारको उद्घाटन खेलमा वडा नं. १ र वडा नं. ६ बिचको खेल भएको हो । पहिलो हाफमा वडा नं. १ ले केही दबावमा राखेको भएता पनि गोल गर्न सफल भएन ।
१ नं. वडाले गोललाई सहि दिशा दिन नसक्दा वडा नं. ६ का खेलाडी मगरले खेलको दोस्रो हाफमा फाइदा लिए । मगरले लगातार ३ गोल गरेपछि खेल वडा नम्वर ६ ले ३–० गोल अन्तरले नतिजा आफ्नो पक्षमा पारेको थियो ।
शुक्रवारको खेलको म्यान अफ दि म्याच पनि मगर नै घोषित भए । साविकको हसन्दह गाविसका वडाहरु बिचमा सुरु भएको खेलमा शनिवार दोस्रो खेल वडा नं. २ र ३ बिच हुने अध्यक्ष डेविट खड्काले जानकारी दिए ।
फाइनल खेल असोज १८ गते फुलपातीका दिन हुने आयोजकले जानकारी दिएको छ । बिजेताले २० केजीको खसी र उपबिजेताले १५ केजीको खसी साथमा ट्रफि मेडल र प्रमाण–पत्र हात पर्ने छन् ।
खेलको उद्घाटन नगरप्रमुख दिलिप कुमार राईले गरेका थिए । ३० वर्ष उमेर नाघेका खेलाडीहरु मात्रै समावेस हुने ढल्केजोवन फुटबल खेल अमरसिंह माविको खेलमैदानमा भइरहेको छ ।
