प्रबिन बिसि ।
बिर्तामोड ,आश्विन १९ । चाडपर्वको अवसर पारेर सरगम संगीतालय बिर्तामोडले वडा नंम्बर ६ का गरीव तथा बिपन्न परीवारलाई लत्ता कपडा बितरण गरेको छ । शनिबार फुलपातीको दिन स्यालडाँगीस्थित गाउँमै पुगी त्यहाँका ५० बढी बालबालीका तथा बृद्धबृद्धाहरुलाई नयाँ कपडा बितरण गरेको हो ।
संगीतालयका प्रबन्धक दिपक रायमाझिको अध्यक्षता र नगरपालीका प्रमुख ध्रुवकुमार शिवाकोटीको प्रमुख आतीथ्य र आयोजित कार्यक्रममा वडा नं ६ का वडा अध्यक्ष सुर्यप्रताप कन्दङवा , वडा नंबर ५ का वडा सदस्य डि आर कडरीया , बिरेन मेचे लगायतले संगीतालयले गरेको कार्यको प्रशंसा गर्नुभएको थियो ।
दशैमा नयाँ कपडा पाएपछि बिपन्न समुदायका व्यक्तिहरु हर्षीत भएका छन् । बिगत डेढ दशकदेघि सामाजीक कार्यमा अग्रसर संगितालयले बिभिन्न अवसर पार्दै यस्ता कार्यहरु गर्दै आएको प्रबन्धक दिपक रायमाझिले बताउनुभयो । डि आर कडरीयाले स्वागत गर्नुभएको कार्यक्रमको सञ्चालन कृति खतिवडाले गर्नुभएको थियो ।
