कार्तिक १, पथरी ।
लामो समयदेखि फुटवल क्षेत्रमा योगदान गर्दै आएको पथरी स्पोर्टिङ क्लवलाई सहयोग प्राप्त भएको छ ।
पथरी शनिश्चरे ३ घर भै हाल इजरायलमा रहनु भएका सागर तुम्बापोले २५ हजार रुपैयाँ बराबरको जर्सी र तालिमका लागि आवश्यक सामाग्री प्रदान गर्नु भएको हो ।
तुम्बापोको आर्थिक सहयोगमा पथरी स्पोर्टिङ क्लबका खेलाडीहरु र अफिसियललाई २२ थान जर्सी प्रदान गरिनुका साथै तालिमका लागी आवश्यक सामाग्री प्रदान गरिएको छ ।
इजरायलमा रहेका सागरका साथै सोही राष्ट्रमा रहेका प्रकाश पाहिम र पथरी शनिश्चरे ६ का वडा अध्यक्ष जय बहादुर तामाङ्गले ३÷३ थान फुटबल प्रदान गर्नु भएको छ ।
केही समय अघि तालिम र खेल खेल्न सामाग्री अभाव रहेको कुरा सामाजिक संजाल र सञ्चार माध्यममा आएपछी सहयोगी हातहरु अगाडि बढेको हो ।
खेल सामाग्री अभावमा तालिमका साथै खेल खेल्न समस्या भैरहेको अवस्थामा खेल प्रेमी मनहरुले जर्सी सहितका खेल सामाग्री प्रदान गर्नु भएको हो ।
सहयोगी हातहरुले उपलब्ध गराएको खेल सामाग्री सहयोगदाताहरुको परिवारका सदस्य, वडा अध्यक्ष तामाङ्ग, नगर उपप्रमुख यमुना बिष्ट लगायतले पथरीमा संचालन भैरहेको फुटबल प्रतियोगिता कार्यक्रममा हस्तान्तरण गरिएको हो ।
