स्वास्थ्यमा समस्या देखिएपछि प्रधानमन्त्री केपी शर्मा ओली बुधबारबाट ग्राण्डी अस्पतालमा भर्ना भएका छन् । ग्राण्डी अस्पतालमा भर्ना भएपछि बुधबार नै ओलीको आकस्मिक रुपमा मिर्गौला डायलासिस गरिएको थियो।
काठमाडौं । स्वास्थ्यमा समस्या देखिएपछि प्रधानमन्त्री ओली बुधबारबाट ग्राण्डी अस्पतालमा भर्ना भएका छन् । ग्राण्डी अस्पतालमा भर्ना भएपछि बुधबार नै ओलीको आकस्मिक रुपमा मिर्गौला डायलासिस गरिएको थियो।
प्रधानमन्त्री ओलीको आज बिहीबार पनि दोस्रो चरणमा मिर्गौलाको डायलासिस गरिएको छ ।
सिंगापुरमा मिर्गौलासम्बन्धी ‘एन्टिबडी’ बढी देखिएपछि त्यो हटाउन प्लाज्मा फेरेसिस पद्दतिबाट उपचार गरिएको थियो ।
यता फेरी ‘प्लाज्मा फेरेसिस’ पद्दतिबाट उपचार गरेको दुई महिनामै प्रधानमन्त्री ओलीको १२ वर्षअघि प्रत्यारोपित मिर्गौलाको डायलासिस गरिएको छ ।
यस्तै प्रधानमन्त्रीको स्वास्थ्यवस्था बुझ्न नेकपाका अर्का अध्यक्ष पुष्पकमद दाहाल प्रचण्ड पनि अस्पताल पुगेका छन् । यस अघि नेकपाका नेताहरू भीम रावल र नारायणकाजी श्रेष्ठ पनि अस्पताल पुगेका थिए । उनीहरूले प्रधानमन्त्रीको डायलासिस भइरहेकाले भेट्न भने पाएनन् । नेकपाका अन्य नेताहरूको पनि अस्पतालमा बाक्लो उपस्थिति छ । प्रधानमन्त्री निकट स्रोतले भने ओलीको स्वास्थ्यवस्थाबारे जानकारी लुकाएको छ ।
