काठमाडौं । चीनमा जारी बी एण्ड आर कप टी ट्वान्टी क्रिकेट प्रतियोगितामा नेपाली यू–१९ राष्ट्रिय महिला टोलीलेहिलो जित निकालेको छ । संघाईमा बुधबार भएको खेलमा चीनलाई ८ विकेटले पराजित गर्दै नेपालले पहिलो जित निकाल्नज सफल भएको हो ।
चीनले दिएको ३८ रनको सामान्य लक्ष्य नेपालले ६ ओभरमा मात्र दुई विकेट गुमाएर पुरा गरेको थियो । पहिले ब्याटिङ गरेको चीनले १० ओभरमा अलआउट हुँदै ३७ रन मात्र जोडेका थियो ।
नेपालका लागि ईश्वरी बिष्टले ३ विकेट लिईन् । उनी प्लेअर अफ दी म्याच चुनिईन् । सोमबार भएको पहिलो खेलमा नेपाल थाइल्याण्डसँग २९ रनले पराजित भएको थियो । नेपालले बिहिबार म्यानमारसँग खेल्नेछ । यस्तै शुक्रबार मलेसियासँग खेल्नेछ ।
