कार्तिक २८, पथरी ।
मोरङ्गको पथरीशनिश्चरे १० मा स्थापित प्रतिभा समाज सुधार युवा क्लबले १६ औँ वार्षिकोत्सब भब्यताका समपन्न गरेको छ ।
वि.सं २०६० साल कार्तिक २७ गते स्थापना भएको सो क्लबले आफ्नै भवनको प्राङ्गणमा वार्षिकोत्सब मनाउदै क्लबको सक्रियतालाई निरन्तरता दिने प्रण गरेको छ ।
नगर प्रमुख दिलिप कुमार राईको प्रमुख आतिथ्यमा सम्पन्न कार्यक्रममा सांगीतिक प्रस्तुतीहरुका साथै दिप प्रज्जवलन गर्दै केक काटेर वार्षिकोत्सब मनाइएको हो ।
कार्यक्रममा बोल्दै नगर प्रमुख राईले क्लबले समाज रुपान्तरणमा गर्ने हरेक क्रियाकलापमा नगरपालिको साथ र सहयोग रहने बताउनु भयो । कार्यक्रममा पथरी शनिश्चरे ६ का वडा अध्यक्ष जय बहादुर तामाङ, सिंहवाहिनी मावी विद्यालय व्यवस्थापन समिती अध्यक्ष टंक भण्डारि स्थानिय समाजसेवी केशव दुलाल लगायतले शुभकामना मन्तव्य राख्नु भएको थियो ।
क्लबका अध्यक्ष भुवन थापाको सभापतित्वमा सम्पन्न कार्यक्रममा स्थानिय सरोकारवालाहरुको बाक्लो उपस्थिति रहेको थियो ।
