बिराटचौक । मोरङको सुन्दरहरैचा नगरपालिका ८ बिराटचोकमा भएको सवारी दुर्घटनामा १ जनाको मृत्यु भएको छ ।
आईतवार राती पौने ११ बजेको समयमा पूर्वबाट पश्चिम तर्फ जाँदै गरेको को १ ख २४११ नम्बरको ट्रक र बिपरीत दिशाबाट आउँदै गरेको बा ३७ प ८७५९ नम्बरको मोटरसाईकल एक आपसमा ठोक्किदा घाईते भएका मोटरसाईकल चालक झापाको कन्काई नगरपालिका ३ का ४४ बर्षीय पेशल के.सी. लाई उपचारको लागी धरान लैजाने क्रममा बाटोमा नै मृत्यु भएको हो ।
दुर्घटनामा परी ट्रकमा सवार रहेका ईटहरीका यम.पी. रुस्तम र मित्र लाल न्यौपाने घाईते भई उपचारको लागि बिराटनर्सिङ होम पठाईएको तथा ट्रक चालक फरार रहेकोले खोजतलास भईरहेको ईलाका प्रहरी कार्यालय बेलवारीले जनाएको छ । ट्रक र मोटरसईकल भने उक्त कार्यालयको नियन्त्रणमा रहेको छ ।
