काठमाडौं । स्टार फुटबल खेलाडी लियोनल मेस्सीले व्यवसायीक फुटबलमा आकर्षक खेल खेले पनि देशका लागि राम्रो खेल्न नसकेको आरोप सन् २०१६ देखि लाग्दै आएको छ । तर पछिल्ला दुई खेलमा उनले अर्जेन्टिनाको इज्जत जोगाइरहेका छन् ।
तीन महिना अन्तर्राष्ट्रिय खेलबाट प्रतिवन्ध खेपेर फर्केका मेस्सीले अन्तराष्ट्रिय मैत्रीपूर्ण खेलमा ब्राजिललाई १–० ले हराउँदा निर्णायक गोल गरेका थिए ।
त्यस्तै सोमबार राति उरुग्वेविरुद्धको खेलमा गोल गरेर अर्जेन्टिनालाई २–२ को बराबरीमा ल्याउन सफल भएका थिए ।
मेस्सीले ईन्जुरी समयमा पेनाल्टीमा गोल गरेका थिए । यसअघि इडिन्सन काभानीको गोलमा उरुग्वेले ३४ औ मिनेटमा गोल गर्दा सर्जियो अग्युरोले ६३ औं मिनेटमा बराबरी गरेका थिए ।
स्पेनिश लिग बार्सिलोनाका सहयात्री लुइस स्वारेजले ६८ औ मिनेटमा गोल गर्दै उरुग्वेलाई अग्रता दिलाउँदा मेस्सीको चित्त दुखेको थियो ।
तर स्वारेजको गोलको जवाफ दिँदै उनले इन्जुरी समयमा गोल गरे ।
