अचेल सबैको हात–हातमा स्मार्ट फोन हुन्छ । स्मार्ट फोन बोक्नेहरुले आफ्नो मोबाइल हराएमा वा चोरी भएमा भेटाउन सकिने प्रबल सम्भावना रहन्छ ।
यसका लागि तपाई मोबाइल किन्नासाथ अर्थात हराउनुभन्दा अगावै आफ्नो मोबाइलमा भएको केही फङ्सनहरुको सेटिङ भने अवश्य मिलाउनुपर्छ ।
केही सेटिङ मिलाएर तपाईं आफ्नो हराएको वा चोरी भएको स्मार्ट फोनको लोकेसन ट्र्याक गर्न सक्नुहुन्छ । एन्ड्रोइड मोबाइलमा एक बिल्ट इन ट्र्याकिङ फिचर हुन्छ । यसलाई प्रयोग गरेर मोबाइलको लोकेसन पत्ता लगाउन सकिन्छ ।
जसका लागि तपाईले मोबाइलमा आफूले एक्टिभेट गरको गुगल एकाउन्ट खोल्नुस् । त्यसपछि यो लिंकमा google.com/android/devicemanager गएर हेर्नुस् ।
तपाईले जुन गुगल एकाउन्ट लगइन गर्नुहुन्छ, त्यो एकाउन्टसँग जोडिएका सबै एन्ड्रोइड डिभाइसको लोकेसन गुगल म्यापको सहायताले सहजै पत्ता लाग्छ ।
यसबाट तपाईंले आफ्नो फोनमा घन्टी बजाउन पनि सक्नुहुन्छ । एउटा यस्तो अप्सन छ, जसबाट तपाईं आफ्नो फोनमा भएको सबै डाटा मेटाउन सक्नुहुन्छ । र, मोबाइल लक पनि गर्न सक्नुहुन्छ ।
यसको विकल्पमा एबीजी, अवास्ट, क्यास्परस्काई, लुकआउट लगायतका एप्लिकेशनको पनि प्रयोग गर्न सकिन्छ । यी एप्समा पनि रिमोट ट्र्याकिङ र डिभाइस लक तथा डाटा इरेजको सुविधा हुन्छ ।
आइफोनका लागि बिल्ट–इन एन्टीथेफ्ट एपको सुविधा हुन्छ । यो एपको नाम फाइन्ड माई फोन हो । यसले तपाईंको आइक्लाउड एकाउन्टको माध्यमबाट काम गर्छ ।
