विराटनगर । सेवाग्राहीबाट घुस लिदालिदै मोरङ जहदा गाउँपालिका १ का कार्यबहाक वडा अध्यक्ष उमेशकुमार साह पक्राउ परेका छन ।
अख्तियार अनुन्धान आयोग प्रदेश १ कार्यलय इटहरीले साहलाई पक्राउ गरेको हो । अख्तियार दुरुपयोग अनुसन्धान आयोग इटहरीको टोलीले साहलाई २१ हजार घुस सहित वडा कार्यालय भित्रैबाट रंगेहात मंगलबार पक्राउ गरेको हो । सडक स्तरोन्नतीका लागि दुई लाख रुपैयाँको योजना सम्झौता गर्ने क्रममा साहले घुस मागेको आयोग इटहरीका प्रवक्ता ज्ञानेन्द्र ढकालले बताए ।
एक दिन ढिलो मंगलबार सम्झौता गर्न आएको भन्दै साहले माग गरेको २० हजारमा एक हजार थप गरेर २१ हजार रुपैयाँ माग गरेको पुष्टि भएको प्रवक्ता ढकालले बताए ।वडा अध्यक्ष प्रदीप यादव हत्या अभियोगमा लामो समयदेखि फरार छन् । विराटनगर महानगरपालिका–१४ का समानन्द मण्डलको गत जेठ ३२ गते गरिएको कुटपिटका कारण असार २७ गते मृत्यु भएको घटनामा प्रदीप मुछिएका छन् ।
