मंसिर ६ पथरी ।
मोरङको पथरी शनिश्चरे नगरपालिका कार्यालयको अगुवाईमा नगर क्षेत्रका बजारको सडक क्षेत्रमा राखिएका पसलहरु हटाएर ट्राफिक व्यवस्थापनको अभियान थालिएको छ ।
साप्ताहिक रुपमा २ पटक लाग्दै आएको पथरी बजारमा सागुरो बाटोका कारण सर्वसाधणको आवगमनमा समस्या भएपछि बजारको सडक किनारमा फिजाएर राखिदै आएको घुम्ति पसल हटाउन थालिएको हो ।
नगरपालिका, इलाका प्रहरी पथरी, ट्राफिक प्रहरी र पथरी उध्योग वाणिज्य संघले संयुक्त रूपमा सडक क्षेत्रमा राखिएका पसलहरु हटाउने अभियान सुरु भए सगै स्थानिय व्यापारी र सर्वसाधण भने खुसी देखिएका छन्
पालिकाको १० वटा मध्येको मुख्य बजार क्षेत्रमा रहेको वडा नम्वर १ मा यो अभियान थालिएको हो । अभियान स्थानिय सरकार, प्रहरी प्रशाशन र वाणीज्य संघको सयुक्त पहलमा सुरु गरिएको हो ।
पथरीको सडकहरुमा जथाभावी पसल राख्ने, ट्याम्पु, सिटी रिक्साले पसल पसलमै यात्रु चढाउने, ओराल्ने र ब्यापारिक सामान लोड अनलोड गर्नाले ट्राफिक जाम बढ्दै गएपछि सोको निराकरणका लागि अभियान थालनी गरिएको वडा अध्यक्ष बाबुराम ऐङदेनले बताए ।
बजारलाई मुख्य सडक सग जोड्ने चौवाटो त्यसैगरि बिष्ट लाईन, बजार लाइन र जाम हुने विभिन्न स्थानमा ३० वटा नो पार्किङ स्टेन राखेर टा«फिक व्यावस्थापन गरिएको छ ।
ट्राफिक सचेतनाको लागि स्टेन राखिएको र पार्किङ निषेध क्षेत्रमा सवारी रोके वा पसल राखेमा नगरपालिका, प्रहरी, उद्योग वाणिज्य संघले नियम बनाएर जरिवाना राख्न सकिने ट्राफिक प्रहरी प्रमुख मनिराम कोइरालाले जानकारी दिए
