दिउँसोको भिडभाडको समयमा रमाइलोको लागि मानिसहरुको आवतजावत भइरहने पार्कको मध्यभागमा यौन क्रियामा लिप्त भएको अवस्थामा रहेको एक जोडी युवा युवती त्यहाँ राखिएको सिसिटिभी क्यामेरामा रेकर्ड भएको छ। त्यतिखेर रिकर्ड भएको भिडियो हेर्दा त्यतिबेला पार्कमा कैयौं सामान्य सर्वसाधारण नागरिक पार्कमा घुमिरहेको देख्न सकिन्छ । यो घटना शुक्रबारको अस्ट्रेलियाको पर्थ शहर स्थित लांगले पार्कको हो ।
अस्ट्रेलियाली डेलीमेल न्यूजले दिएको रिपोर्ट अनुसार लांगले पार्क एक सार्वजनिक पार्क हो जहाँ जो कोही आउन जान सक्छ । द बेल टावर टाइम्सले यस घटनाको भिडियो सामाजिक संजालमा शेयर गरेको छ । घटनाको दौरान जोडीको नजिक एउटा कुकुर पुग्छ जसका कारण उनीहरु डिस्टर्ब हुन्छन् । त्यसपछि कुकुरको मालिक पनि त्यहाँ आउँछन् । जोडी र कुकुरका मालिकबीच केही कुराकानी पनि हुन्छ ।
अस्ट्रेलियाका फरक फरक राज्यमा सार्वजनिक स्थानमा यौन सम्बन्धका लागि अलग अलग कानुन छ । धेरैजसो राज्यमा यसलाई अपराध मानिएको छ चर कतिपय घटनामा जोडीले कारवाहीबाट छुट पाउँछन् । सामाजिक संजालमा सार्वजनिक भएको लांगले पार्कको भिडियोमा जोडीको केही दुरीमा मानिसहरु घुमिरहेको देख्न सकिन्छ । पार्कनजिकै कुनै कार्यालयको सिसिटिभीमा घटना रेकर्ड भएको हो । अहिलेसम्म यो घटनामा पुलिसले के कारवाही गर्यो भन्ने खुलेको छैन । यदि दोषी साबित भएमा स्थानीय कानुनअनुसार उनीहरुलाई २ वर्ष कैद हुन सक्छ ।
