ताप्लेजुङ । ताप्लेजुङको फुङ्लिङ बसपार्क नजिकैको तागेरा होटलमा एक पुरुष मृत भेटिएका छन् ।
मोरङको पथरी शनिश्चरे–९ का ३६ वर्षीय अशोक भनिने भीमकुमार मादेन लिम्बू मृत भेटिएको जिल्ला प्रहरी कार्यालय ताप्लेजुङले जनाएको छ ।ताप्लेजुङ घुम्न आएका मादेन महिला आफन्त सहित होटलमा बसेका थिए । उनको मृत्यु भएपछि ती महिला आफन्त र होटल साहुले प्रंहरीलाई खवर गरेका थिए।
उनको साथवाट उनले प्रयोग गर्दै आएका मुटुको औषधी पनि भेटिएको प्रहरीले जनाएको छ। मृतक मादेन प्रेशर र मुटुका बिरामी रहेको उनका बुवाले बताएका छन् । घटनाका बारेमा अनुसन्धान जारी रहेको र शव पोस्टमार्टमपछि आफन्तलाई जिम्मा लगाउने तयारी भइरहेको प्रहरीले जनाएको छ ।
