देबु बानियाँ
बाहुण्डाँगी । टिकापुर जेसीजले एरिया ‘डि’ को जेसीज अफ द मन्थको अवार्ड प्राप्त गरेको छ ।
नेपाल जेसीजले विहिवार सार्वजनिक गरेको जेसीज अफ द मन्थको अवार्ड अन्तर्गत एरिया ‘डि’ का ४७ वटा शाखालाई पछि पार्दै टिकापुर जेसीजले नोभेम्बर महिनाको जेसीज अफ द मन्थको अवार्ड प्राप्त गरेको हो । शाखाले हरेक महिना गरेको कार्यसम्पादनको आधारमा निरुपित उपाध्यक्ष र निरुपित कार्यकारीणी उपाध्यक्षले नेपाल जेसीजमा बुझाएको रिर्पाेटको आधारमा एउटा शाखाले यो अवार्ड प्राप्त गर्छ । अवार्ड प्राप्त गरेपछि शाखाका अध्यक्ष गणेश साउदले खुसी व्यक्त गर्दै यो अवार्डले शाखालाई अझ हौसला प्राप्त गरेको बताउनु भयो । उहाँले यो अवार्ड प्राप्त गर्नका लागि योगदान गर्ने शाखाका पूर्व अध्यक्षहरु, बोर्डका पदाधिकारीहरुलाई धन्यवाद व्यक्त गर्दै नेपाल जेसीज परिवारलाई आभार व्यक्त गर्नु भयो ।
