By: Ratokalam
काठमाडौं पुस २७ । राष्ट्रिय एकता दिवसको अबसर पारेर खप्तडी बस्नेत युवा समाजको आयोजनामा बृहत रक्तदान कार्यक्रम सम्पन्न भएको छ । रक्तदान जिवन दान भन्ने मुल नाराका साथ काठमाडौं बत्तिसपूतलीमा भएको रक्तादानमा ६५ जनाले रक्तदान गरेको खप्तडी बस्नेत युवा समाजका अध्यक्ष महेश्वरमान सिंह बस्नेतले जानकारी दिनुभयो ।
‘मानिसले पुण्य कमाउन धेरै धार्मिक कार्य तथा अनुष्ठान गरेका हुन्छन् । तर, एकमात्रै ठूलो धर्म र महादान नै रक्तदान हो,अध्यक्ष महेश्वरमान सिंहले भन्नुभयो, रगत जीवनका लागि महत्वपूर्ण छ । रगत दिएर मरिँदैन, रगत नपाएरचाहिँ मर्न सकिन्छ ।’
उहाँले देशमा बिरामीलाई भईरहेको रगत अभावलाई पनि सहयोग गर्ने उदेश्यले रक्तदान कार्यक्रमको आयोजना गरेको बताउनुभयो । उहाँले समाजले बिभिन्न रचनात्मक कार्यक्रम गर्दै बन्धुहरुको हक हित र उत्थानका लागि पनि सक्रिय रहँदै आएको बताउनुभयो । उहाँले भन्नुभयो, देशै भरका हाम्रा बन्धुहरुलाई एकिकृत गरि हकहितका लागि बिबिध कार्यक्रमहरु गर्दै आएका छौ ।
कार्यक्रममा युवाहरुको निक्कै सहभागिता रहेको थियो । कार्यक्रमको सन्चालन महासचिब महेश कुमार बस्नेतले गर्नुभएको थियो । रक्तदानमा सहभागिहरुलाई सम्मान गरिएको थियो ।
