अर्जुन जम्नेली राई
मोरङ । दाउरा काट्न वन गएकी मोरङको पथरीशनिश्चरे नगरपालिका-१ स्थित शान्ती सामुदायिक वन क्षेत्रमा आज बन्दुकको गोलि लागेर महिला घाइते भएकी छन ।
घाइते हुनेमा पथरीशनिश्चरे नगर १ को ५० बर्षिय तिलकुमारी गिरी हुन । आज बिहान दाउरा काट्न वन गएकी गिरीलाई भरुवा बन्दुकको छररा गोलि लागेको इलाका प्रहरी कार्यालय पथरीको प्रमुख लक्ष्मिराज अधिकारीले बताए । गिरीको स्तन र पेटमा गोलि लागेर प्वाल भएको छ ।
घाईते गिरीको पथरी अस्पतालमा प्राथमिक उपचारपछि बिराटनगर स्थित नोबेल अस्पताल पठाइएको प्रहरीले जनाएको छ । बिहान करिव साढे ६ बजे दाउरा काट्न जंगल गएकी गिरीलाई गोलि लागेको हो ।
जंगली जनावर चोरी सिकार गर्नेहरुले हानेको गोलि गिरीलाई लागेको हुनसक्ने प्रहरीको अनुमान छ । घट्नाको अनुसन्धान भइरहेको प्रहरीले जनाएको छ ।
घट्ना स्थल पूर्व पच्चिम मुख्य सडकदेखी ४ र इलाका प्रहरी कार्यालय पथरीदेखी करिव ३ किलो मिटरको दुरिमा पर्छ । घट्ना स्थल शान्ति सामुदायिक वन उपभोक्ता समितिको क्षेत्र पर्दछ ।
