बाहुण्डाँगी । रामेछाप जेसीज २०२० को लागि शाखा अध्यक्षमा गोपाल खड्का निर्वाचित हुनुभएको छ ।
जेसिज रामेछापको शनिबार मन्थलीमा पाचौं साधारण सभा तथा जिल्ला अधिबेशन सम्पन्न भएको हो । अधिबेशनबाट गोपाल खड्काको अध्यक्षतामा नयाकार्यसमिति चयन भएको छ ।
नया कार्यसमितिको कार्यकारी उपाध्यक्षमा जीवन कार्की र रामहरि सापकोटा निर्वाचित हुनुभएको छ ।
त्यसैगरि उपाध्यक्षमा ज्ञानु श्रेष्ठ , कल्याण खड्का,यादव केसि र विमल पौडेल निर्वाचित भएका छन् । महासचिवमा सरस्वती राय, कोषाध्यक्षमा सन्तोष खत्री र सहसचिवमा प्रज्वल बुढाथोकी चयन भएकाछन् ।कानुनी सल्लाहकारमा राम कुमार बस्नेत छनौट हुनुभएको छ । अधिबेशन जेसिज रामेछापका निवर्तमान अध्यक्ष एवम २०१९ का अध्यक्ष राजकुमार केसिको अध्यक्षमा भएको थियो । २०१९ लाई सफल नेतृत्व दिनु भएका २०१९ का अध्यक्ष राजकुमार केसी २०२० का लागि राष्ट्रिय उपाध्यक्ष पदका उम्मेदवार समेत हुनुहुन्छ । केसी यस क्षेत्रका बौद्धिक तथा स्पष्ट वक्ताका रुपमा परिचित व्यक्ति हुन् ।
