बाहुण्डाँगी । चन्द्रनिगापुर सिटी जेसिजको बुधवार देखी यस वर्षको जेसीज सप्ताह सुरु भएको छ ।
बुधवार बिहान उद्घाटन भएको सप्ताह कार्यक्रममा गरुडामा रहेको अनाथलयका वालवालिकालाइ कपडा बितरण गरिएको थियो ।
गरुडास्थित बंशरिाम अनाथालयमा रहेका बालबालिकाका लागि जाडोमा आवश्यक पर्ने लत्ताकपडा, सिरक र डसना बितरण गरिएको जेसी लोकेन्द्र खडकाले जानकारी दिए । जेसिज सप्ताह अन्तर्गत २७ गते जनता संग जेसिज कार्यक्रममा सामाजीक संस्थाका अगुवा तथा जनप्रतिनिधीहरु लाइ सहभागी गराउने, २७ गते बृन्दाबन नपाको धमौराटोलमा रहेको डोमबस्तिका वालवालिकालाइ शैक्षिक सामाग्री बितरण र २८ गते समापन कार्यक्रम राखिएको चन्द्रनिगाहपुर सिटी जेसिजका महासचिव दिलिप कुमार सापकोटाले जानकारी दिए ।
उद्घाटन कार्यक्रम शाखाका २०१९ का अध्यक्ष निर्मल भण्डारीको सभापतित्वमा सम्पन्न भएको थियो ।
