काठमाडौं । नेपाल समेत विश्वभरी नै आज इसाई धर्मावलम्बीहरुले क्रिसमस पर्व मनाउँदैछन् । नेपालमा आज क्रिसमस मनाउनका लागि विभिन्न होटल तथा रेस्टुरेन्टहरुले विभिन्न तयारी गरिरहेको पाइएको छ ।
यस अवसरमा विभिन्न ठाउँमा क्रिसमस ट्रि समेत राखिएका छन् । क्रिसमसको अवसरमा इसाई बाहेककाहरुले पनि शुभकामना दिएको पाइने गरेको छ ।
राष्ट्रिय सभाका अध्यक्ष गणेश प्रसाद तिमल्सिनाले एक वक्तव्य जारी गरेर क्रिसमसको शुभकामना दिएका छन् । उनले वक्तव्यमा भनेका छन्,‘‘इसाई धर्मावलम्बीहरुको महान चाड क्रिसमसको अवसरमा स्वदेश तथा विदेशमा रहनुभएका सम्पूर्ण दिदीबहिनी तथा दाजुभाइहरुमा सुस्वास्थ्य, दीर्घायु, सुख, शान्ति, समृद्धी र उत्तरोत्तर प्रगतिको हार्दिक शुभकामना व्यक्त गर्दछु।’’
