काठमाडौं, १० पुस । शुक्रबार राती भारतमा चलिरहेको अहिलेको नागरिकता सम्बन्धी कानुनको विरोधबाट उत्पन्न भएको तनावबारेको एउटा सन्देश प्रधानमन्त्री केपी शर्मा ओलीको ट्वीटरबाट रिट्वीट भएको छ ।
भारतीय राजनीतिक अवस्थाले नेपालमा प्रभाव पर्ने तर्क भइरहदा भारतीय विपक्षी दलकी नेतृ सोनिया गान्धीको सन्देशलाई ओलीको आधिकारीक ट्वीटरबाट रिट्वीट भएको हो ।
यति गम्भिर विषय आएका कारण त्यो आशंकामाथि पनि बहस हुन थालेको छ । खासगरी प्रधानमन्त्रीको सचिवालयमा नै उनको सामाजिक सञ्जाल हेर्ने व्यक्ति तोकेर राखिएको हुन्छ ।
उक्त सन्देश भूलवस वा नियोजित हिसाबले रिट्वीट गरियो भन्नेबारे प्रधानमन्त्री ओलीले पनि खोजीनीति गरेका छन् ।‘अहिलेसम्म कसले गरेको हो भन्नेबारे खासै सूचना चुहिएको छैन ।
तर, यो पासवर्ड चोरी भयो भन्ने विषयमा पनि मिहिन अनुसन्धान भइरहेको छ’, बालुवाटार स्रोतले भन्यो । तर, सोनिया गान्धीको उक्त रिट्वीट प्रधानमन्त्रीको आधिकारीक खाताबाट हटाइएको छ ।
यसले क्षणभरमा नै सामाजिक सञ्जालमा उठेका कतिपय प्रश्नको निराकरण गर्न नसक्ने भएकाले नै आन्तरिक छानबिन चलिरहेको बताइएको छ ।
नेपालमा मात्रै नभइकन भारत लगाएतका सञ्चारमाध्यमहरुले समेत यसमा चासो सहित समाचार प्रकाशन प्रशारण गरेका छन् ।
भातीय नेतृ गान्धीले भारतीय जनता पार्टीको आलोचना गर्दै ट्वीट गरेकी थिइन् । नेपालका प्रधानमन्त्री ओलीको ट्वीटर ह्याण्डेलबाट उक्त स्टाटस रिट्वीट् भएको थियो । जसले गर्दा नेपालभर सामाजिक सञ्जाल प्रयोगकर्ताबीच यो चासोको मुद्दा बनेको छ । अभियान टाइम्सका साथमा ।
