मोरङ्गको सदरमुकाम विराटनगर सहति सम्र्पूण मध्यवर्ती तथा उत्तरपूर्वी क्षेत्रमा पुस सुरु भएदेखि नै निकै जाडो बढेसँगै यहाँको जनजीवन प्रभावित भएको छ ।
शितलहर, कुहिरो, चिसो हावा चल्ने र बाक्लो हुस्सुले गर्दा पुस सुरु भएदेखि नै यहाँका मानिस लगाएत पशुपंक्षी, चौपाया र हिउँदे बालीनालीमा प्रभाब परिरहेको छ । कठ्याग्रिँदो जाडोका कारण असहाय वृद्धवृद्धा, बालबालिकाहरु बिरामी हुने सख्ंया बढ्दो क्रममा छ । त्यस्तै किसानहरुको हिउँदे बाली ,दालहन र तरकारीहरु चिसोका कारण बिग्रिन थालेको कृषकहरुले बताएका छन् । चिसोकै कारण यतिबेला सदरमुकाम विराटनगर सहित मुख्य बजारहरु उर्लाबारी, बेलबारी, पथरी, विराटचोक, मधुमल्लामा पनि मानिसहरुको चहल पहलमा कमि आएको छ । जिल्लाका विभिन्न बजारमा न्यानो कपडा बिक्रीमा वृद्धि भए पनि हाट बजारमा भने मानिसहरुको उपस्थिती न्यून रहेको छ ।
चिसो बढेपछि यतिबेला जिल्लाका स्वास्थ्य केन्द्रलगाएत जिल्ला अस्पतालमा बिरामीहरुको सख्ंयामा वृद्धि आएको छ ।
अत्याधिक चिसोका कारण यहिलेसम्म यहाँका विभिन्न स्थानका मानिसहरुले अकालमै ज्यान पनि गुमाउनु परेको छ । अझैपनि मोरङ्गका गरिब परिवारलाई जाडो धान्न हम्मेहम्मे अवस्था छ ।
