उर्लाबारी । क्यान्सर रोग पीडित मोरङको उर्लाबारी–६ की २७ बर्षीया विमला सुब्बाको उपचारका लागि मलेसियाबाट अर्जुन खनालले ६ हजार ९ सय आर्थिक सहयोग गर्नुभएको छ ।
बिमला सुब्बा बचाउ अभियानका छबि श्रेष्ठ मार्फत टाँडी मिक्लाजुङ नेपाल घर रहेका खनालले उक्त सहयोग गर्नुभएको हो । आफ्नो ठाउँको चेलीको पीडालाई आफ्नै पीडा सम्झेर सहयोग गरेको अर्जुनको भनाई छ ।
पाठेघरको क्यान्सरसंग जुधिरहेकी विमला सुब्बालाई सहयोग गर्न चाहनु हुनेले ९८०७३७७५२४ र ९८२८७५५३७७ को मोवाइल नम्बरमा सम्पर्क गरिदिनु हुन दिलबहादुर अपिल गरेका छन् ।
त्यस्तै, अभियानका संयोजक छबी श्रेष्ठले पनि सबैलाई सहयोगका लागि अपिल गरेका छन् । घरदैलो अभियानबाट हालसम्म ८५ हजार १ सय ५० रुपैयाँ संकलन भइसकेको उनले जानकारी दिए ।
