काठमाडौं । स्पेनिस फुटबल क्लव रियाल मड्रिड यो सिजन खराव प्रदर्शनबाट गुज्रिएको छ । ला लिगाको उपाधि होडबाट निकै पछाडि रहेको रियालले घरेलु मैदानमा समेत हार बेहोर्न थालेको छ ।
रियाल मड्रिड घरेलु मैदानमा शनिबार राति भएको खेलमा भिल्लारियलसंग १–० ले पराजित भयो ।
पाब्लो फोर्नल्सले ८७ औं मिनेटमा गोल गर्दै भिल्लारियललाई विजयी गराए ।
क्रिष्टियानो रोनाल्डो गोल गर्न नपाएर छट्पटिएका छन् ।
यो हारले फ्रेन्च प्रशिक्षक जिनेदिन जिदानको तनावको पारो बढेको छ ।
लिगका अन्य खेलमा गिरोनाले लास पल्मासलाई ६–० ले हरायो ।
माइकल ओलुंगाले ह्याट्रिक गरे ।
एथलेटिको मड्रिडले आइबारलाई १–० ले तथा भ्यालेन्सियाले डेपोर्टिभोलाई २–१ ले हरायो ।
आइतबार राति १ः३० बजे बार्सिलोनाले रियाल सोसिडाडसंग उसकै मैदानमा खेल्दैछ ।
लिगको अंक तालिकामा बार्सिलोना १८ खेलबाट ४८ अंकसहित शिर्ष स्थानमा रहेको छ ।
एथलेटिको मड्रिडको ४२, भ्यालेन्सियाको ४० तथा रियाल मड्रिडको जम्मा ३२ अंक छ ।
