बाहुण्डाँगी । सुर्खेत लेडी जेसीजको पद हस्तान्तरण तथा पुरस्कार वितरण सम्पन्न भएको छ । शनिवार जियाना रेष्टुरेण्टमा सम्पन्न समारोहकाबिच २०१९ की अध्यक्ष सिया प्रधान कार्कीले २०२० की नवनिर्वाचित अध्यक्ष प्रमी शाक्यलाई चेन हस्तान्तरणसहित सपथ ग्रहण गराउनु भएको थियो ।
नवनिर्वाचित अध्यक्ष शाक्यले सपथ ग्रहणपछि विभिन्न पदहरुमा मनोनित गर्नु भएको थियो । शाखाको महासचिवमा मनिषा कौशल, कानुनी सल्लाहकारमा कृति गुभाजु शाक्य, कोषाध्यक्षमा बिन्द्र थापा, तालिम संयोजकमा सुमित्रा गौतमलाई मनोनित गरिएको छ । यस अघि भएको साधारणसभाबाट कार्यकारीणी उपाध्यक्षमा लक्ष्मी गुरुङ, पवित्रा गुरुङ, उपाध्यक्षहरुमा मिना गुरुङ, रञ्जना बुढा, सीता भण्डारी र गंगा रोकाय निर्वाचित भएका थिए । सबै पदाधिकारीहरुलाई सपथ ग्रहण गराइएको थियो । 
सोही कार्यक्रममा उत्कृष्ट जेसीज अवार्ड मिना गुरुङ, सर्वाधिक संलग्नता अवार्ड रश्मि शाक्य तथा निर्वाचन आयुक्त कृति गुभाजु शाक्यलाई सम्मान गरिएको थियो ।
शाखाकी अध्यक्ष सिया प्रधान कार्कीको सभापतित्व तथा नेपाल जेसीजका पूर्व राष्ट्रिय अध्यक्ष सिनेटर गेहेन्द्र दाहालको प्रमुख आतिथ्यतामा सम्पन्न कार्यक्रममा शाखाका पूर्व अध्यक्षहरु ज्योति कार्की (२०१३), सुष्मा केसी (२०१५), प्रतिमा मल्लाह (२०१६), कृति गुभाजु शाक्य (२०१८), सञ्जिव शाक्य, भूमिसरा दहाल, विरेन्द्रनगर जेसीजका पूर्व अध्यक्षहरुको सहभागितामा कार्यक्रम सम्पन्न भएको हो ।
